بصيت للعقود، وبصيت لأحمد اللي بقى غريب في بيته، وبصيت لمنصور اللي رجع بعد سنين عشان ينتقم بطريقته..
قلت لمنصور: "والشقة دي؟"
قال لي: "بتاعتك.. بس فيه سر أخير يا بنيرة.. سر لو عرفتيه، ممكن تسيب الشقة دي وتجري وماترجعيش تاني."
قلبي وقع في رجلي.. سر إيه تاني؟

منصور قام ووقف قدام "المراية" الكبيرة اللي في الصالة، وخبط عليها.. ورا المراية كان فيه "كاميرا" صغيرة جداً متصلة بجهاز تسجيل..

"الشقة دي يا بنتي، طول فترة جوازك، كانت متصورة صوت وصورة.. ومنال كانت بتبيع الفيديوهات دي لناس 'تقال' عشان تبتز أحمد وتجمع فلوس.. والفيديو الأخير اللي اتصور النهاردة، هو اللي هيخليكي تحكمي على الكل بالإعدام."

الأكثر قراءة الان

حكايات زهره الربيع 1منذ شهرحكايات زهره الربيع 2منذ شهرحكايات زهره الربيع 1منذ شهر

فتحت التسجيل.. وشفت "المصيبة" اللي كانت منال بتعملها وهي بتقيس هدومي..
إيدي كانت بترعش وأنا بضغط على زرار التشغيل في الجهاز اللي سلمهولي عم منصور.. الشاشة نورت، وظهرت منال وهي جوه أوضة نومي، بس المرة دي مكنتش لوحدها.

كانت ماسكة الموبايل وبتتكلم "فيديو كول" مع حد، وبتقوله بدلع مسـ,ـموم: "شوفت يا باشا؟ أدي الهدوم اللي نيرة اشترتها بفلوس أخويا.. قولي بقى، دي أحلى عليها ولا كانت هتبقى أحلى على 'سلوى'؟"

الصوت اللي رد عليها خلى الدم يتجمد في عروقي.. صوت راجل غليظ وواثق: "مش مهم أحلى على مين يا منال.. المهم إن الأوراق اللي أحمد وقع عليها وهي نايمة جنبه، تكون في الحفظ والصون.. مش عايز غلطة واحدة، الشقة دي لازم تخلص إجراءاتها النهاردة قبل ما 'الكبير' يشم خبر."

منال ضحكت وقالت: "عيب عليك يا سعادة الباشا.. أحمد بيمضي وهو مغمى عينيه، ونيرة غلبانة ومبتفهمش في العقود.. الشقة بقت ملكك خلاص، والتوكيل اللي عملهولي أخويا الصبح هيخلص كل حاجة.

"
بصيت لأحمد اللي كان واقف وش ضهره للمراية، وقلت بصوت زي الرعد: "إنت مضيت على إيه وإنت في حـ,ـضني يا أحمد؟ مضيت على إيه وأنا نايمة ومآمنة لك؟"

أحمد انهار تماماً، وقع على الأرض وهو بيخبط راسه: "كانوا مهدديني يا نيرة! عصام قالي إن لو الشقة متمضتش للباشا، هيفضحوني بفيديوهات قديمة ليا مع سلوى.. منال هي اللي صورتنا زمان وهي اللي بتذلني دلوقتي!"

عم منصور قرب من الشاشة وشاور على الراجل اللي كان بيكلم منال وقال بمرارة: "عارفة مين ده يا نيرة؟ ده 'فوزي المحامي'.. المحامي اللي كان ماسك تركة أبويا وأبو أحمد.. الشخص اللي ساعد منال تسـ,ـرق ورثي وتهربني برا البلد."

في اللحظة دي، سمعنا خبط رزيق على الباب.. خبط مش بتاع شرطة، خبط بتاع ناس جاية تهد البيت.
منصور بص من العين السحرية ووشه اتخطف: "رجالة فوزي المحامي.. عرفوا إن الفلاشة معاكِ وجايين يخلصوا على الكل ويدفـ,ـنوا السر هنا!"

أحمد قام فجأة، وبصلي بنظرة كانت أول مرة أشوف فيها "راجل" بجد.. مسك فازة تقيلة من على الترابيزة ووقف ورا الباب وقال: "نيرة.. ادخلي الأوضة واقفلي على نفسك.. عمي منصور، خد الفلاشة واهرب من المنور.. أنا اللي بدأت القرف ده وأنا اللي هنهيه."

قلتله بصرخة: "أحمد! هتم*وت!"
بص لي بدموع وقال: "المو*ت أهون من إني أشوف نظرة القرف دي في عينيكي تاني.. سامحيني يا نيرة، وقولي لأبوكي إني مكنتش استاهلك، بس والله حبيتك بجد."
الباب اتكسر.

. ودخل تلاتة رجالة ضخمة ومعاهم سـ,ـلاح.. أحمد هجم عليهم بجنون، ومنصور سحبني من إيدي ودخلنا المطبخ عشان نهرب من المنور.. وأنا بودع شقتي، سمعت صوت طلقة رصاص هزت أركان العمارة كلها.